An-nuur Na. 157

AN-NUUR Na.157 Rabi' Awal 1419, Julai 10 - 16, 1998

Kesi ya mgogoro wa Ardhi Mshitakiwa adai eneo ni la ARC

Na. Mustafa Adam

Kesi inayohusu mgogoro wa ardhi kati ya Waislamu na Wakatoliki ilianza tarehe J, baadaya kuahirishwa Januari kutokana na upande wa Wakatoliki kudai kuwa haukuwa na mashahidi. Januari 7,1998 kesi ilianza huku mashahidi wa R.C. na Hakimu kuamua kusikiliza mashahidi wa upande wa Waislamu.

Waliotoa ushahidi kwa upande wa Waislamu walikuwa Mzee Sefu Jaharwa, Mbura Bakari Mleli,Isa Mdoe na Alli Omari Msangi.

Kesi iliahirishwa baada ya kuwa mashahidi wa upande wa R.C.kuchelewa ikawa Julai 2,1998 ambapo mshitakiwa Stephano Richard (R.C.) alidai mbele ya Mahakama kuwa eneo linalogombewa ni la R.C.

Katika mahojiano yaliyofuatia Bw. Stephano alikiri kwamba eneo linalogombewa lilikuwa la Waislamu ila akadai kwamba lilishataifishwa shule zilipotaifishwa.

Hata hivyo upande wa Waislamu uliwasilisha Waraka Na. EDF P1/29/104 wa Wizara ya Elimu wa mwaka 1973 unaobainisha kwamba pamoja na kutaifishwa mashule. Majengo na ardhi hubaki kuwa mali ya wamiliki wa awali.

Baada ya mashahidi wote wa upande wa Wakatoliki na Waislamu kutoa maelezo yao na kuhojiwa kesi iliahirishwa hadi Julai 16.

Katika tarehe hiyo mahakama itahamia kwenye eneo la tukio Duma.